Thursday 31st August 2006 10:20:13 PM 無面目見人...[ 0 messages] General 二零零六年八月三十一日 (星期四) 又敏感? 唔係呀~ 買咁貴護膚品比你用做咩呀? 下個星期開張啦~ 好多大老細架~ 點幫你上粉先......."Ar 面"? . "Ar 眼"~ 你又點呀~~ 紅左成個星期......仲鬼咁痛添......係咪想我盲呀而家? . 唉~ 做咩一次過泥恰我先.......? |
Tuesday 29th August 2006 11:30:14 PM 無能為力[ 0 messages] General 二零零六年八月三十日 (星期三) After work~ 2 hrs: BS1 + yOGa tired.......到....... 無..... 晒......... 力.............. |
Monday 28th August 2006 11:21:13 PM 終[ 0 messages] General 二零零六年八月二十九日 (星期二) To duckduck 放得底 並不是一件易事 你已經做得很好 他的虛偽反而能令你看清楚呢~ . . [ pS: 又要做攪手........頭痛] |
Sunday 27th August 2006 11:10:40 PM 嘮嘮叨叨[ 0 messages] General 二零零六年八月二十八日 (星期一) |
Saturday 26th August 2006 02:06:46 PM 重複犯錯[ 0 messages] General 重複犯錯 To my lovely duck, 聽完傷心既歌、大喊一場、然後勇敢咁企返起身,話比佢知你唔再愛佢,你一個人也可以過得很快樂。 Support u forever! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 二零零六年八月二十七日 (星期日) 首先好多謝大雄先生請我地兩位貧困女子食sushi,仲教左我一陣功課。諗起咁抵食即刻忘記左呆等一小時之苦..... 事關今日帶左duckduck去揮劍斬斷情絲,介紹左Gulu比佢識,仲半價添~~~最後出泥既效果係每人好似cut左一半咁........果然係物有所值............ 但係估唔到陪duckduck逛左成日,佢既心情依然係一片灰色,看來只有時間可以沖淡一切 (好老套......不過係真的)。 |
Saturday 26th August 2006 12:51:30 PM 愛 ◎ 很 簡 單[ 0 messages] General 二零零六年八月二十六日 (星期六) * 期望能開開心心拍過拖 ~~~~~~~~~~~~~~~~~~~~~~~~~~~~~~~~~~~~~~~~~ . 鍾意去........MK 掃街食鬼船長 (如果唔肚痛) 鍾意好多人迫住食......車仔面 鍾意行........玩具店 鍾意無所事事逛街 鍾意週未來個relax high tea~ 鍾意咩都講出泥, 唔要複雜關係...... . 生活看似平淡,沿路有你~ 一切也變得精彩起來。 . [ 今日買左個蘿蔔頭,又名"大根"既筆袋送左比俊俊做開學禮物,真係橫睇點睇都覺得佢地好似樣~XDD~] |
Thursday 24th August 2006 11:58:39 PM Kiss U GoodBye[ 0 messages] General 二零零六年八月二十五日 (星期五) 暴雨 個天好似等我出街果陣先發力??!! 難得成年都無一日自己買外賣返屋企同老豆燦枱腳,竟然賜我一身濕晒..... 阿區塞左成個半鐘頭車都泥陪我食飯,感動~~~ 外面風大雨大,阿女~ 你又去得邊丫? 唯有係屋企睇楊過,闊別電視劇成個星期,靚仔楊過已經無左隻手,多左好多白頭髮....... 聽晚仲播大結局添~ duckduck竟然泥個 ---- 分手總要在雨天~ 雖然係估到既結局,但在於外人眼中未免太突然~~~ 點都好啦~ 無左佢~ 你仲有大巴朋友仔嘛~ 仲有我依個唯你專享既網頁維修主任,幫你update左個貼心cover~ 遲 d 最好改一個開心d 既pic添~ 你記住聽晚同Leehom講"Kiss u goodbye"~~ 好可惜無人得閒同我去睇concert..... . 一個不成立的吵架原因!!!!!!!!!! 100% Mo Liu~
|
Tuesday 22nd August 2006 11:05:33 PM 墮落[ 0 messages] General 二零零六年八月二十三日 (星期三) 愈食愈墮落.........再咁樣落去.......唔係辦法架~ 好多人都有句金句 : "食埋今餐先啦" 當然我都銘記依句至理名言,導致今時今日咁既境況,相信超標情況已過五年以內之境界線...... 通常肥胖都會產生一些生理現象, 令生活在某程度上有所改變。例如: 1. shopping買衫意欲減少,眼見商店一件二件free size (small size) 既靚靚衫,唯有搖頭輕嘆。況且著慣左鬆身運動衫,泥泥去去都係果兩件..... 2. 心情日down.......無心機........唯一減輕都市女性繁重壓力,唯有不斷食野,以取得身心平衡。(雖然此為籍口居多......>.<) 3. 群體活動少之有少, 無計啦~ 咁肥緊係lay埋係屋企唔見人啦。況且d friend咁耐無見你,第一句緊係: " e? 咩你肥左咁多既?"......唔hurt架咩~ etc....... 眼見咁多慘況發生.........腦內激發起我無限既減肥意志!!! 但當細佬同我講左句: "家姐不如今晚食pizza丫" 果句至理名言又即時浮現眼前.......... |
Monday 21st August 2006 10:56:45 PM 空[ 0 messages] General 二零零六年八月二十二日 (星期二) 將時間表編得滿滿的....... 個心反而空空的...... 透不過氣@@ 唔知由幾時開始諗親咩野都會從悲觀既角度出發~ 可能我太接受唔到失望既滋味吧....... 不幸總是貼著我而行~ 好想做人可以樂觀d~ 開懷d~ |
Sunday 20th August 2006 11:45:41 PM 《心肝寶貝》[ 0 messages] General 二零零六年八月二十日 (星期日) 心肝寶貝 我 我為你付出所有的 K send比我既華仔新歌, 加埋近排既決定,聽落真係好touching~ 今日同Papa聽2nd Talk,明白得更多,決意更深。 我地仲去左睇Notebook,好多款式,最鍾意係薛海皮賣廣告既白色Toshiba ~ 咁樣我個人係邊到,都可以同朋友仔keep in touch 啦~ 唉~ 估唔到canon部350D 由跌價開始, 三日就賣斷市,今次真係錯失良"機"LA~~~ 祖兒玩樂推介: 旺角解Pancake color Cafe~ 都幾好坐丫~ 係無咩Ball Chair啫~ 廣告呃人既~ |
Saturday 19th August 2006 07:52:23 PM がんばで !!! [ 0 messages] General 二零零六年八月十九日 (星期六) 今日開始要比心機學日文~がんばで !!! 要改變人生, 亦只可以靠你自己,無人幫到你。 . . If you just keep on going maintaining your hope and belief......... . . . 祖兒Blacklist推介: 又食ucc~ai~8pm後既saland bar超唔掂,可以唔試........ |
Friday 18th August 2006 12:26:33 AM 愛得太遲[ 0 messages] General 歌手:古巨基 | 作曲:楊鎮邦@宇宙大爆炸 我過去 那死黨 早晚共對 各也紮職以後 沒法 暢聚 高估自己? 我.....太睇少你? 原來我係咁既咩?點解咁多年...... 你都唔了解我?其實係你.....高估我了~ ....... |
Thursday 17th August 2006 08:06:27 PM 美食博覽[ 0 messages] General 二零零六年八月十八日 (星期五) 我好怕d朋友有機心 或者我好少表達自己, 所以我成日左諗右諗, 好少真心朋友...... . 記得以前有個剛相認的舊同學,對我好好~ 不時約我食飯,仲走泥銀行話想幫我買保險添~ 點知原來另有居心....... 我原全接受唔到有人利用友誼做咁多野! 但係我今日係度要大大聲講: duckduck~ U re the best!!~~~ 因為同你去街實在太開心啦~ 你個人真係好"楊千Fa"~ 同埋我以後都唔會迫你同我去行美食博覽啦~真係好迫人~ 係咁試食又真係幾核突~ 仲有~ 有好男仔我會介紹比你架啦~ 記住SEND首"愛得太遲"比佢呀~ |
Wednesday 16th August 2006 11:32:49 PM 老屈!!!! *&*$&^x#$[ 2 messages] General 二零零六年八月十七日 (星期四) 好唔開心呀!!!!!! 最憎比人老屈!!!!!!!!1 點解依個世界咁多賤人?? 果d人點解一定要踩住人地,不擇手段,唔理人感受,講大話,出爾反義..........目的只係為左達到自己利益??!!!! 全日都好唔開心,個胃攪到超痛>.< 最後我老細淨係同我講左一句:”做咩咁唔開心啫,做銀行係咁架啦~" 顧唔到我 "O L" 要有既溫柔原則,都要講句:- 頂x&%(*)*)^%^%)()JT^^))_&%$ 我忍你!!! |
Wednesday 16th August 2006 11:16:35 PM Saiho Bday[ 0 messages] General 二零零六年八月十六日 (星期三) 由我年頭生日party後,Saiho被判定為人間蒸發,但上個星期竟然離奇msn我& Ha食飯~ 有足夠證據證明佢係"有異性無人性"果類人~ 唉~ 無人做攪手既話,咪又係我攪囉~ 晨早book定"有骨氣"嘛,果個廖x偉 又話e樣唔好食, 又話果樣無得食.......(仲等Ha特登放工返屋企搵返張Hang Seng Credit Card- ) 最後好隨意咁揀左cc wu果間稻香,原來咁多人一齊打bin lo~ 咁抵食架~~ 今日第一次見Saiho's gf --- Zoe∼覺得佢地幾襯∼ 但係我同Ha都覺得佢地有d貌合神離... 真係好耐無見過Moson & Debby~ 依然係靚仔靚女襯到絕!~~ 原來依個世界真係好細,竟然椰子坐左係格離枱.......(唉∼ 無運行la) 今日我又再一次發覺自己係一個幾記仇既人,不過我都算係咁啦∼ ~仲想點呀?~ |
Monday 14th August 2006 10:47:18 PM Busy work[ 2 messages] General 二零零六年八月十五日 (星期二) 三日都見到美嫦,哈~ 連我同事都發現左同我講: "咩你個friend日日搵你食lunch~ 唔洗返工既咩?" 佢先無咁勤力搵我食lunch, 佢只不過係搵我zip下時間~ 因為佢已經沉淪係電車軌@@ (如果我胃痛佢就知死~係咁吹我食野!!!) 不過都好多謝佢專誠送我xx膠布一盒~ hehe 唉~返公司望住d小山丘........ 真係紅顏簿命@.@ |
Monday 14th August 2006 10:37:53 AM Tea k[ 0 messages] General 二零零六年八月十四日 (星期一) 數數手指,阿福原來去左澳洲都已經有5年! 點解佢今次番泥個樣依然係咁細路仔既?? 哈~ 定係我地已經不知不覺咁係依個現實社會中慢慢變老........老晒~ 今日又帶左美嫦進駐我的朋友網,認識多些朋友也是好事哦,我唔希望她的世界裡只有那個自私的 "電車男"! 我地今日的組合何算是破天荒!~ (同埋我今日先知阿福唱側田, 基仔既歌都幾好聽!) 哇~ 我地non-stop~ 連唱5小時,真係night school都唔想返.........好長氣呀~ 星期一竟然可以悠閒唱k~有時我都enjoy 返shift的工作模式,因為我好怕星期六, 日滿街都是人的擠迫感! 唉~ 而家銀行的五天工作已經攪到滿城風雨~ 希望快d有定論~ 不過點都好啦~ 還有半年!!!!!!!!!!半年之後就唔關我事啦!!! |
Saturday 12th August 2006 11:38:15 PM Fanny Bday Party[ 0 messages] General 二零零六年八月十三日 (星期日) 好鍾意參加生日會 好鍾意一大班朋友一齊嘻嘻哈哈 或者可能只是一場普通飯局都應該好好珍惜 因為識於兒時的夥伴,總是能夠令人放下保護網,玩得開開心心無壓力。 記得曾經有人同我講:"抵你無晒d朋友!" 依句說話真係好hurt~好hurt~ (不過我唔會怪佢誤解我,由始至終,"他"都是處於一個特別"位置"~ 我量解他的"恨") 但是如果無左依d 朋友,我更加唔知點樣係依個咁現實既世界裡抽離一點點。 講返~今晚的bday party最後都是變了jESS婚前研討會,相信未來三個月的gathering都一樣,可以說是萬眾期期待 (她可是我們朋友堆裡首個自掘墳墓哦~haha)!!! |
Friday 11th August 2006 09:55:17 PM 有無咁多人??!![ 0 messages] General 二零零六年八月十二日 (星期六) 仲想同媽咪去太古城睇冰雕展 點知....... 咁多人既?? 仲要排三個鐘??唔係掛........ 等我仲帶埋部大相機添..... 唉~ 悶行完吉之島之後唯有返屋企啦~ |
Thursday 10th August 2006 11:45:18 PM 唔值得![ 0 messages] General 二零零六年八月十一日 (星期五) 繼蚊滋之後,又一個朋友仔要我幫佢整網頁。 為朋友做野,而我可以做到既,我都會用心幫佢地。 但當見到他們為一些不值得的人做一些不值得的蠢事時,真係超唔開心~ 超登佢地唔抵!!! 如果佢地有時間,點解唔理會身邊朋友的感受,做多d有意義既事呢? 反而不斷重覆係咁做埋依d野!!!!!!!!!!!!!!!! 愛情係咪真係會令人盲目成咁??!! 定係我將愛情&友情 都看待得太著緊? 往往都令自己down................勁down 還是我太多事?!! 專做埋d 無謂事!!! 唉!~ 不過如果佢真係咁鍾意 電車男 ~ 我唯有support囉~ |
Wednesday 09th August 2006 11:48:12 PM 彎彎[ 0 messages] General e~ 彎彎新的大頭貼看來很適合我今天的mood哦.z z Z Z~ |
Wednesday 09th August 2006 12:28:12 AM 沉淪[ 0 messages] General 二零零六年八月十日 (星期四) Justin concert陪左我成個月,有d被催眠既感覺,哈~~(好後悔無去睇到!!!)我其實好唔鍾意聽concert既mp3~ 怕佢太嘈~根本聽唔到歌手唱咩~ 但係依隻碟唔同既地方係~ 可以帶你走入佢既concert~ 感受到氣氛之餘~ 仲可以用每一首歌去感動你。 二 百 年後在一起.... 從此以後 無憂無求 現實無法實現的~ 都可以在每一首歌中找到~ 這兩天的心情總是怪怪的,是天氣影響? 還是其他? . 思念 或許 是 假 的 . 但願我可以沒成長 完全憑直覺覓對象 模糊地迷戀你一場 就當風雨下潮漲 |
Tuesday 08th August 2006 11:28:43 PM 小學同學[ 1 messages] General 二零零六年八月九日 (星期三) 大半年無見面啦~~ 幸而大家仍是開開心心的~ 希望再沒有任何誤會, 因為這麼多年朋友了~ 在我生命裡是佔那麼重要的位置~ 講真~ 有時真的不太想見到 陳x 熹,哈~ 因為我好怕想起..... 好怕自己會有後悔既感覺, 既然學識 "放生"~ 似乎我更需要學會怎樣去祝福..... . 我相信任何一個人都可以給他一段光明正大既幸福~ . 如果我地都可以去忘記。 |
Monday 07th August 2006 11:19:53 PM 可惜我是雙魚座[ 0 messages] General 二OO六年八月八日 (星期二) 不同的星座擁有不同的性格, 從而令不同性格的兩個陌生人繞在一起,有時卻令相戀的情侶無份分開。 說得我好的時候,總是相信它是對的。 相反,我只會想著: 信則有,不信則無。 多數人評論雙魚座都是: 優點
哈寠而身邊朋友也有好多例子: 好享受的天秤座 vs 三心兩意的雙子座 天秤座(優雅,有風度,儀錶堂堂,朋友眾多。不過此星,好享受) 雙子座(快人快語,思維敏捷,反應奇快,交際能力強。不過此星說多錯多,三心兩意,無定性)
仔仔推介: 祖兒媽媽@新眼鏡 "巧卡挨"~o~ |
Sunday 06th August 2006 11:43:25 PM 七 月 十 四[ 0 messages] General 二OO六年八月七日 (星期一) 上環 巴士 側田@傷追人 醫院 長樓梯 沿路回家 突如其來 七 月 十 四 感觸
|
Saturday 05th August 2006 10:51:14 PM Mo Liu Day[ 0 messages] General 二OO六年八月六日 (星期日) Summer都快過去了...... 我才將舊年的冬天衫執拾起來@@ 最討厭執屋!!! (累死.......") 我好像在執拾行李似的∼ (腦內幻想著...) 現在的心情真的是15 → 16~ 與papa談了成久,初步有了決定。 是否太急進? 想清楚未? 是3分鐘熱度? 是說笑嗎? 我認真了嗎? 是為了逃避? 還是實現夢想? 這麼大的決定,看來咁大個女都是第一次。 有很多的憂慮,有太多的意想不到...還有很多的不捨.... 明天∼ 總是有預計不到的結果.. 一年後,我們又可以掌握多少?
|
Friday 04th August 2006 06:06:51 PM Dead Man's Chest[ 0 messages] General 二OO六年八月五日 (星期六) 講真今日都幾掃興!!! 本來好有mood行街睇戲嘛~ 睇 Orlando 做 "Dead Man's Chest"喎, Yesterday night仲捱夜睇埋個第一集架嘛... 唔知係咪自己仲暑.....定食左野.... 加埋......唉,總知係 ------唔舒服! 難得放假,仲攪到你都.........~ 啦~~~ 疑凶就係依雪條啦~ >.< 攪度睇完就要返屋企, 無得shopping..... 不過好彩套Movie都好緊張剌激, 只係Johnny Depp無第一集咁神勇....縮骨左之外~ Orlando仲係咁型仔丫~ XDD 全場最yu莫過於得我一個嚇到叫左出泥囉... 不過好唔鍾意都係無結局既感覺@.@ 仲有~ 我真係聽到一句中文對白架!!!!!!!!!!!!!>.< (無人信)
千其咪再去旺角依間夏雪呀,以前都無咁差既, 做起左個市就攪成咁...... |
Thursday 03rd August 2006 12:07:59 AM 暴風雨[ 1 messages] General 二OO六年八月三日 (星期四) 三號風球~順便返唔到學.....(幾開心) 感覺像十一號風球似的... 為了開Gloria & 權佬生日會, 我同jENIS冒住生命危險去KFC買野食!!! 目擊馬路邊大樹被風吹到由90度~ 25度角..... 場面震撼@@ 我地連umberlla都開唔到~ 仲差d被風吹走左添.... 好彩大食會攪得好開心,好多野食~ 我地係office六樓望出街,奇景又現眼前~ 行車天橋竟然上下路線逆轉....乘客於橋上逃亡..... 香港仔隧道車龍去到香港仔中心..... 巴士站四處到是一堆堆心急回家的人~ 滿街都是折斷了的樹枝....垃圾 點解澳門又可以掛八號呢?? 反 T3 ar!!!!! |
Wednesday 02nd August 2006 06:33:34 PM 我手寫我心[ 0 messages] General 二OO六年八月二日 (星期三) 睇完Ka Sin個Blog,好贊成佢話Blog的意義: ------ 我想寫我心 我地寫依d online diary, 唔係想比人知道我地既私隱, 只係想好似細個果陣同好朋友一齊傾電話咁, 大家share大家既心事, 只係想有個地方去表達~ 去發洩~ 如果比人控制住點寫,點諗~ 不如唔好寫lu~ 我都只係想記底我覺得值得回憶既回憶啫~ |
Tuesday 01st August 2006 11:51:25 PM Monster House[ 0 messages] General 二OO六年八月一日 (星期二) Part I 又到每兩個星期先一次的例行半天假, 無錯~ 我前幾日先放過,不過係七月既事lu~ 今天是八月一日。 Weekday的CWB都係咁多人既? why? so hot only.... 我係日記post咁多食野既相, 都有少少驚驚比人覺得我大食, 雖然ar k已經成日係咁講我。 無計啦,民以食為天嘛~ 今日去左時代@和民&Staberry Forever~ 唔理佢d野食好唔好味~ 個位置已經好過Weekend好多啦~ 兩個人坐六人枱,ar K真係可以打橫訓係度........XXD 食飽飽之後去左睇movie.... 雖然比人呃左, 原本話有得睇海盜~~ 點知人家套movie仲未上畫@ 咁就揀左睇Monster House~ 一套攪笑卡通鬼片~~ 因為個片頭~ 一句攪笑對白~ 引領我進入今天第一個爆笑位。 |
Tuesday 01st August 2006 10:41:12 PM LONG TIME NO SEE[ 0 messages] General 二OO六年八月一日 (星期二) Part II 自問並不是"超級FANS" , 但係由細到大都係聽903 o既關係所以人體記憶裡面係有"軟硬"呢個"記憶體" . "記憶體"顯示 , 佢地有個節目好深入民心~~既整gu電話......有個電視節目叫<軟硬製造> ..有首歌~.廣播道Fans殺人事件. 一連十場紅館演唱會 , 之前睇過報導話係06年之冠 , 打破o左年頭陳奕迅的六場 . 場場爆滿 , 全香港十二萬人都想尋找當年的回憶 . 其實係值得感動. . . 另一大感動 , 發現o左<最佳損友> 兩個人唱o既"威力"超乎一個人唱 , 仲要配落Jan同葛身上 , 毛管棟~ 全場都是爆笑位,當然dun dot笑~ 好睇過佢兩個清唱歌啦~
. . . . . . |