今日論電影
剛過去的週末同beibei睇左<父子> +<依莎貝拉>,都係刻劃D父母子女恩怨情仇, 唔講劇情講下演員,嘩,平曰詩文淡定情深款款既郭富城,忽然變成操馬拉廣東話,對佢女人同仔呼呼喝喝的爛賭二,入型入格,熊袋琳見到包嚇親。兒時偶像楊采尼亦嚇我一跳,床戲十级大膽,但我覺得如果仍然係嬰兒肥年代既佢拍呢場戲,郭富城對手或者會投入D摸上D,而楊采尼諗對白就總係好諗書。最佳男配角吳景滔就真係好正好勁,天生係一個演員,真係道盡恩怨情仇。套戲選角好好,郭富城/吳景滔/徐天佑真係有父子相,其中徐早係Shine出道就已經有人話佢似郭富城。
再講伊莎貝拉,一面睇住Isabella一面諗住張柏芝,其實租呢隻DVD之前唔會expect呢套戲好有劇情,當睇下澳門景,感受下殖民地情調,冇翻查杜文澤紀錄,亦冇興趣知道佢係唔係第一次擔正,淨係諗如果伊莎貝拉内演杜上司既黄秋生做老豆呢個角色會點,起碼唔會扮cool目無表情+間中幾個爛gag當交左戲,仲有明白點解會生得出鬼鬼地樣既女。
好喇講完週末大電影,講番自已個筆,話說Rachel好勁咁燒左隻MTVs串燒TV版俾我,於是我可以播俾阿媽阿爸睇,阿媽既反應係個D就係婚紗相?我永遠唔會明白佢對我的要求。